- 7 -

مش هتكلم كتير عارف انكم مستنيين بقالكم وقت طويل ....... أنا بس حبيت أعتذر عن غيابي ...وسوء حالتي المزاجية..وأعتذر عن الإيميلز الي مردتش عليها ...وبشكر كل الي سأل عني ...أسيبكم مع الحلقة...............

حدث في جمهورية تيكا تيكا الديكوقراطية....7

أخبار المزيكا في جمهورية تيكا تيكا ...

________________________________________

________________________________________

خرجَت لتنسم الهواء بعد نوبة إحباط تسللت إليها جراء ما تراه علي شاشات التلفاز من إعلانات مستمرة لتملك الأراضي والعقارات الباهظة الثمن وعلي النقيض, الجانب الآخر المظلم من الحياة , الملايين من الأسر التي تعيش تحت خط الفقر أو مما حفظ لها المجتمع المهذب بعض الوقار ليجعلهم من طبقة معدومي الدخل ....أقصد محدودي الدخل .. فيتكدثون بالعشرات داخل مكان واحد  أحيانا .. وفجأة تسمرت أمام محل لبيع أجهزة كهربائية ممن يعرضون أجهزة التلفاز في الفاترينة كعامل إغراء للجمهور بالتلفزيونات الاربعين بوصة والخمسة وستين قدم ...

 

اتي صوت المزيعة

يلا مستني ايه

لو صوتك حلو قدم في مسابقة استوديو صدعني بصوتك لإكتشاف المواهب المدفونة  ممكن تكسب وتبقي سوبر استار

لو عندك الموهبه اتصل فورا ب09000000

مين هيكون سعيد الحظ احنا مستنين تليفوناتكم

أفقت من تسمري لأجد نفسي أنظر للتلفاز ببلاهة متناهية  ليعلو الصوت مرة اخري

يلااااااااااااااااااااااااااااا

قوووووووووووووووووووم اتصل علي 090000000

 ما انا صوتي حلو وكل الي بيسمعه بيقول كده ..طب ليه مقدمش ........

رفعت سماعة الهاتف وطلبت الرقم وانتظرت الرد كغريق يتشبث بقشاية

ظنا منه أنها ستنجيه

معاكي استوديو صدعنا بصوتك للمواهب المدفونة

انا صوتي حلو قوي وعايزة اشترك في المسابقه

مفهوم مفهوم .. إسمك إيه وكام سنة

انا سالي 25سنة

طيب تشرفينا بكره... العنوان مكتوب في الإعلان وبيتذاع كل 3 دقايق علي كل محطات البنزين ..أقصد التلفزيون .. الساعه 8

حاضر هكون موجوده قبل المعاد كمان

طرت من الفرحة كمن وجد طريقه أخيرا بعد نور الظلام الكاذب

وقبل المعاد, كنت جالسة منتظرة دوري كباقي المتسابقات

رقم  990( عادي الرقم ده ماهو مجانين تيكا تيكا زي الرز ) انتي الي عليكي الدور إجهزي اللجنة هتسمعك بعد عشر دقايق

الحمد لله انا الي بعدها هانت خلاص وهخرج للنور

 رقم 991

ايوه أنا.. أنا

طيب طيب يلا هتدخلي للجنة

لجنة التحكيم في همس:: دي سقطت من قبل ما تغني هي مبصتش لنفسها في المراية ده شكل يبقي سوبر استار

يمكن عاملة ميكب فيلم رعب ولا حاجة ياجماعة

وعم  الضحك

تنبه أخيرا أحدهم أن عينيها بدأت تدمع 

ياجماعة طيب ممكن نسيبها تغني أي حاجة ونقولها استني النتيجة وخلاص عشان متعيطش ....

طيب طيب خلوها تغني

وبدأت في الغناء ...كان حزني سببا في قوة صوتى وتغنيت بانسجام دامع حتي أبهرت لجنة التحكيم بصوتي

اهرب من قلبي اروح علي فييييييييييين لياليناالحلوة في كل مكااااااااااااان

 الاول:: صوتها حلو قوي والله ياجماعة دي ممتازة قوي

الثاني:: بس شكلها وحش دي مش هينفع تطلع علي الجمهور كده شكلها لوحده سبب في فشل كل أغانيها

طب اهرب من قلبي ارووووووووووووح علي فيييييييييييييين

الثالث:: طيب انا عندي حل لو تسمعوه

احنا ممكن نقبل البنت رقم 990 الي قبلها كانت حلوة قوي وشكلها متفتح وهتنفعنا ( عليها رقص انما ايه يهوس ..متفتحة قوي )

بس صوتها وحش قوي

احنا ممكن نركب صوت البنت دي علي جسم البنت الحلوة وندي دي قرشين نساعدها بيهم وخلاص

والله فكره هايلة

طيب قلها انت

اهرب من قلبي اروووووووووووووح علي فييييييييييين

خلاص ياماما ....هنهرب كلنا بعد شوية ...

اهرب من قلببببببببببببببببببببي ارووووووووووووووح

خلااااااااااااااص والله حلو اسمعينى بقي

احنا هنتكلم معاكي بصراحة  ...انتي عارفه طبعا ان صوتك حلو جدا بس انتي متنفعيش تبقي سوبر استار  لإنك عارفة ان السوبرستار لازم تبقي واجهة جميله وانتي يعني .....احم .....فانا اتكلمت مع اللجنه إننا ننجحك برضوا ونشغلك معانا بس بطريقة سافوتيكس ( ده مرهم للسوبرستار بدل اليانسون  )

وياتري ايه هيا بقي يا استاذ

هنركب صوتك علي مغنيين تانين وطبعا هتاخدي فلوس كويسة قوي ...هنديكي خمسة الاف جنيه في الاغنية الواحدة وهنمضي معاكي عقد للشريط الأولاني كمان بس بشرط.....تغني الي نقلك عليه .....

ياااااااااااه خمسة الاف جنيه مش معقول .... موافقة طبعا

اضطررت ان اوافق أملا مني في تحسين مستوايا ( اول حاجه هشتريا بنطلون زينزس ..جينز)________________________________________

 

________________________________________

إتصليلي بمديحة خليها تيجي قوليلها إنها نجحت بس خليها تلبس لبس كده يعني يكون ....احم ...

حاضر ياستاذ

مديحه إحنا اتفقنا إننا هنركب ليكي صوت وهننتج ليكي شريط ... المنتج هيكون المعلم الفحل المنتفخ صاحب أكبر محل عصير قصب في تيكا تيكا كلها  هيعصرلك الجمهور ويكسبك دهب بس اسمعي كلامه انتى بس...

بصي يادودة

دودة مين يامعلم

انتى دودة.... مديحة مش توماتاكي خالص

يقصد مش رومانتيكي يعنى ياديحه فهنسميكى دودة

دودة؟؟؟ وهتصطادو بيا ايه بقي ان شاء الله .....لالالالالا مينفعنيش دودة دي خالص

خلاص يامعلم شوفلها اسم تانى شيك كده .... دا انت أبو المفهومية كلها برضو ....

طيب ياستى ولا تزعلي ايه رأيك في دودي أهو حلو أهو

اهو كده الكلام يافحولتى 

طيب شوفي بقي كلمات العصيدة الي كاتبها الاستاذ سيكا السباك

يانهار اثود يانهار اثود.... سيكا ...وسباك ...وعصيدة ...شكلك هتعصرنى فعلا يافحل يامنتفخ

اسمعيها بس الاول

طيب سمعنى ........هااااااااااا قووووووووووول

طيب بس متزعليش روحك ...

اسمعي بقي الطرب الي علي أصوله

فرفشني فرفش فرفشني

واديني دوش ونعنشني

الدنيا حر والمايه ساقعة

ومش عارف ايه بيقرصني

فرفشني ونعنشني  

يانهار اثود يانهار اثود ,,,, هو انا هعمل اعلان لصابون كوكس ولا هعمل اعلان لجلد حنفيات  ...

لا طبعا دي اغنيه هديه مننا لشعب جمهورية تيكا تيكا بمناسبه الحر ...دا انتي مشفتيش بقي اللبس بتاع الكليب.....دا انا جايبلك حته مايوه هياكل من جلد الحنفيات حته

مايوه ايه يامعلم فحل ....ده هيبقي عريان قوي

مش بقولك فرفشني ونعنشني ....حر بقولك حر... الدنيا حرررررررر هلبسك ايه يعني فروة خروف ونروح نصور في الاسكيمو ...فرفشني ونعنشني بقولك

(ياخي ربنا يرزقك ببانيو من غير سداده يمكن تنزل مع الميه ونرتاح منك انت والسباك ده   )

اضطررت أن أقف وأشاهد الأخت مديحة...دودي ...وهي تتلوي بملابس غريبة .....فعلا الجو حررر علي رأي الفحل بيه المنتفخ

بقي أنا ياربي صوتي يتركب للرقا.....احم ....

ساليييييييييييييي فوقي ياماما يلا هنسجل

ستاند باااااااااااااي

ادخل بالأغنية

فررررررررفشنيييييييييي

نعنشنيييييييييييييييييييييييي

تربتتو ترللم تربتتوووووو ططنطن

الجو حررررررررررررررر

والمايه ساقعةةةةةةةةةةةةةةةةةةةةةةةة

تربتتو ترللم تربتتوووووو ططنطن

 

ستوب

هايل يادودي

كنتي مزهلة

مزهلة إيه دا أنا الي كنت بغني هي عملت حاجه غير انها بترقــ.....احم ..... قصدي غيرانها حرانة

هنصور الأغنية التانية بكره متتاخريش علينا ياسالي وعدي علي الحسابات وانتي مروحة

 

خرجت من الأستوديو منهكة جدا لكني أنعم ببعض الدفئ في هذا الجو الحار الحمد لله اني لازلت احتفظ بملابسي

وما كدت أجاوز مقدمة الشارع حتى شعرت باندفاع سيارة  بسرعة فائقة

طااااااااااااخ  بوووووووووم

.................................................................................

 

قال بعض الشهود فيما بعد انه كان عليا ان اعبر بسرعه او اتراجع ولو فعلت لنجيت لكنه القدر او ربما هول المفاجئة

وانطلقت صرخات الفزع من المارين بالطريق واتجه نحوها  عشرات من الناس وانتشرت الفوضي والهرج

وكنت منكفئة علي وجهي ولا ينبض جسمي بحركة واحده

....لا يجرؤ احد علي الاقتراب حتى لا يدخل في دائرة سين وجيم

نزل سائق السيارة مفزوعا يخاطب المارة الذين اجمعو عليه ليفتكو به جراء فعلته :: ليس لي ذنب لقد اندفعت فجأة امامي

تم نقلي الي المستشفي في حالة ميئوس منها وجهى مشوه تماما وجروح  عديدة منتشرة باجزاء متفرقة من جسدي

وسمعت تمتمات الاطباء: ليس هناك غير امل واحد وهو  اجراء عمليه تجميل وفورا والا ستظل مشوهة هكذا ابدا

ولا يستطيع الاقتراب منها سوي الدكتور نصر الدين فهو الوحيد المتخصص في مثل هذه الجروح والتشوهات

_______________________________________

 ________________________________________

بعد اجراء العمليه اصبحت اجمل مما كنت عليه فلم يجد دكتور نصر سوي اجراء عمليتين لتجميل الوجه وإنقاذي مما كنت فيه من تشوه  فخرجت كامراءة جديده تماما

وفي اليوم الاخير قبل خروجي من المستشفي فوجئت بالفحل والمخرج::

الف سلامه عليكي يافنانتنا

ايه الجمال ده كله يابسم الله ماشاء الله دي جت في مصلحتك الحادثه دي بقي  ...

الحمد لله علي كل شيئ

كده بقي تقدري تبقي سوبر استار علي حق بدل دودي حتي مبتعرفش ترقــ....احم ....

بس انا مش هبقي سوبر استار ولا هغني يافحل يامتختخ

نيهاهاهاها لا منتفخ اسمي الفحل المنتفخ

اهو منتفخ ...متختخ ...الاتنين عايزين فوار

نياهاهاها طيب وليه مش عايزة تغني تاني هي العمليه أثرت علي صوتك ولا ايه ؟؟

لا بالعكس انا بقيت احسن من الاول بكتير

طيب ايه السبب بقي؟؟ ..... اكيد الفلوس مش عاجباكي !!

طبعا ماانتي بقيتي زي القمر .......بس مش هنزعلك

احنا كنا بنديكي كام مش خمسة الاف جنيها في الاغنيه وانتي مكنتيش بترقـــ....احم ... طيب خلاص هنديلك دلوقتي 10الاف جنيه غير بقي الدعايه والشهرة والمجد خلاص هيبقي الفطار كباب والعشا بوفتيك ورومي .....

دا فيه اغنيه بقي جديده هتعجبك قوي.... بتاعة السباك برضو... ماانتي عارفاه .... بيقول ايه بقي ياستي ......

بحبك ياكلبي

(كورال )هووووو هوووو

ياطعامتك ياكلبي

(كورال )هوووو هوووو

وبزعل قوي لما

حد يهوووو هوووو علييييك

ودي بقي هغنيها وانتم مركبين لي ديل ولا هتنكر في عضمة

السباك ده دماغه عاليه قوي ماشاء الله عليه

لا دي ألفها وهو بيصلحلي السفون

لا ولسه ...لما تشوفي اللبس بتاع الكليب بقي ... قميص نوم انما ايه تحفة.. هدية من قناة شيكابيكانا .........

مابلاش قميص النوم العريان ده يااستاذ وجيه

ده كليب ياماما!!

عايزاني اجيبلك قميص نوم من عند قبنوري ولاايه

يلا بقي قومي البسي كده واغزي الشيطان ياسوسو !!

عايزين نهز الدنيا النهارضه  انتي مشفتيش (لولا )ولاايه دي مكنتش لابسه قميص اصلا في كليبها كانت لابسه البتاع ده الي اسمه (الــــــــــــــ ) داانا محافظ بس علي القيم بتاعت بلدنا والتراث وجايبلك بدله اجدادنا اهو وتعبانين تلاته يلا بقي ياسوسو

......

'' هو ده بقي الفن ...عري وإباحية وتبجح ..وكلام مسف ..

..... الحادثه دي علمتني كتير قوي

زمان أيام عبد الحليم وأم كلثوم كانت الأغاني ليها معني وشعر جميل والموسيقي كانت جميلة ..مكنتش خبط وخلاص  وكانت حرام برضوا

فما بالك بالاغنيه الحلزوينة  .... شعار كل معفن في تيكا تيكا  ...فرفشني ونعنشني

واديني دش وليفني

لما الاغاني الي ليها معاني حساسة ..عديمة الإبتزال.. تبقي حرام  ..الأغاني دي بقي يبقي إسمها ايه ؟؟؟

أنا ربنا مَّنْ عليا بوجه جميل وجسم جميل وصوت جميل

مش عشان أتمايل بيهم وأنا شبه مش لابسه حاجة وأقول

بحبك ياكلبي هوووووهوووووو

وافرض كلاب المنطقه اتلمت عليا اهووهوو إيه انا ...قصدي أعمل إيه أنا ...إنت أول واحد (هتتقرم) يافحل  ...

أنا ربنا اداني كل النعم الحلوة دي وخلاني جوهرة ...ليه أرتكب جريمة في حق كل طفل بيتولد ويسمع الأغاني دي ويقلدها ..وكل البنات الي تقلدني وتلبس زيي لبس مقطع ..

انتي اتغيريتي قوي بعد الحادثه دي ياسالي ..أكيد جالك ارتجاج في المخ...

يافحل ربنا مَّن عليك  بمحلات عصير قصب ( ونازل عصر زعازيع لما  الناس تنحت ) وخلاك من أشهر الناس في تيكا تيكا وأغناهم ليه تستغل نعم ربنا في إغضاب ربنا ...

الموضوع محتاج تفكير ....الحادثة دي  كانت سبب إن مخي يشتغل بدل ما انا كنت معطلاه بسبب الفقر ونسيت باقي نعم ربنا عليا..

الاطفال الصغيرة بتتعلم وبتعمل زي دودي حرام تاخد ذنب كل الأطفال دي

مش هي دي الاغاني ولا هي دي القيم ....

خلاص ياستي بلاش بحبك ياكلبي مدام مسفة وزعلانة قوي كده ...

أنا برضو كنت بقول القميص ده مينفعش عليه غير بحبك يابغلي ...

( بغلي... ؟؟!! ربنا يبقي يوقف نموك يا أخي )

 

مفروس أفندي متغاااااااااااظ

اسلام بيه فتحي سعد