- 6 -

أولا انا بعتذر جداااااا علي تأخير الحلقة وبشكر كل الي راسلوني يطمنوا أو عملوا  انقلاب ( فزيع ) زي اخويا الكبير اسماعيل من مدونة سوق عكاظ المشتركة..والرقيقة كنزي والغالية مروة من مدونة وحيدة وكتير كمان مش عايز انسي اسم حد رجاء سامحوني لو مذكرتش اسم حد ...كلكم حقيقي اخوة وانا أعتز بأخوتكم...

بالنسبة للإيميلات ...آسف للي مردتش عليه ..وهرد أكيد قريب ان شاء الله ..

بالنسبه للاستفسار عن كتبي ..فقريب ان شاء الله هتكون موجودة علي موقع كتب عربية ...

أسيبكم بقي مع حلقة النهارضة...

وبهديها للجميع وبالأخص الي كانوا متلهفين عليها... عساها تشفع لي عن غيابي ..

لو سمحت ....متنزلش بنطلونك تحت ...!!

 

<!--[if gte vml 1]> <![endif]--><!--[if !vml]--><!--[endif]-->

بناطيل ساقطة ,تيشيرتات مقطعه,شعر واقف,,,, هو فيه ايه ؟؟

مفيش حاجه يا أستاذ محمود ,آنت دائما كده عصبي ..ومش عجبك حاجة أبدا...

آنت هجنني يا أستاذ مدحت هو بقي فيه حاجة في البلد دى تعجب حد أبدا..

طب بس قولي يا أستاذ محمود آنت مضايق ليه المرة دى ...أنا شايف الشارع تمام أهو لا فيه خرفان ولا معيز ..مالك بقي..؟

لا حول ولا قوة الا بالله..سلامة نظرك يا أستاذ عماد...اومال مين دول لما مفيش خرفان ومعيز..

سيب الناس في حالها يا أخي ...طيب قولي بس آنت زعلان ليه المرة دى ؟

زعلان لأن البلد بقت ماشية بالصاجات وعلي هشك بشك ,

هشك مين وبشك إيه بس يا أستاذ محمود ( الراجل ده أكيد يا عبيط يا اما بيستعبط )

تخيل يا أستاذ عماد ,

ايون يا حبيبي معاك ,اشجيني ,

تخيل بس إن فيه ناس كتيرقوي بتقلد المشاهير بجنون وهمها الشاغل الفنان الفلاني كان لابس إيه الحفلة الأخيرة ولا موقف شعره أزاي

يا تري بجيل ولا مكهرب ولا مخضوض  ؟؟

يا راجل ما دى حاجه قديمة آنت لسه عارف...أنت مبتتفرجش علي بحبك موت يا كاظم والدباديب واللذي منه  , وبعدين آنت أكيد شفت حاجه استفزتك , احكي لي بس ما أنا جارك برضو ( الله يحرق دى جيرة يا أخي كرهتني في نفسي والشارع وفيك انت شخصيا , وحياتك لأعزل بسببك)

أنا مش عايز أجيب سيرة حد يا أستاذ عماد ما انت عارفني أنا راجل في حالي , الفنان الفلاني ده إلي موقف شعره زى القنفذ وفاتح أول زرا رين تلاته من قميصه ...ببقي نفسي أسئلة آخر مرة جني محصول الغيط إلي في صدره أمته ....

ممكن يكون  مش طايق هدومه من الحر يا أستاذ محمود , هو حر يا أخي

حر؟ يعيني  , طب وهيطلع منها أمته ؟

 قريب ان شاء الله ... زى ما غيره وفر علي نفسه  يجيب قميص ويفتحه قال اقلعه من أول الاغنيه أحسن

 

 

<!--[if gte vml 1]> <![endif]--><!--[if !vml]--><!--[endif]-->

 

طيب يا سيدي بلاش ده .......انسي القمصان مش مشكله خالص , الجو حر من فوق ماشي زى بعضه , انما يبقي حر من تحت كمان... أهو ده إلي مش ممكن ابدا ...

يا خبر يا أستاذ محمود هو فيه حد حران من تحت كمان ....,

 

-البلد كلها حرانه من تحت , الثاني ده  إلي مسقط بنطلونه زى ما يكون مش لاقي أحزمة يا عيني ولا ملوش تقل عليها..

والله آنت طيب يا أستاذ محمود ...يمكن تكون أثبتت دراسات مركز علي ما تفرجولجي للأبحاث البنطلونية إن الحجر الساقط مفيد وصحي ويقوي جهاز المناعة ولا حاجه

نعم  يا اخويا ...بتتريق يا أستاذ عماد...؟ يمكن ....والله كلامك فيه وجهة نظر برضو.... يبقي أنا إلي جاهل لأني مبتابعش احدث الابحاث العلمية ...

لكن ..القمصان والبناطيل وقلنا حر وأبحاث بتنجانية في البلد التيكا تيكاوية  دى ..

طيب تفسر بأيه بقي الحلقان والسلاسل والأساور والبندانات ...والبذاذات..

لا حقيقي بقي أنا عايز افهم هو إيه إلي حصل ؟؟

الرجالة مبقتش رجاله ولا الستات مبقتش ستات ,حد يرد عليا ياخوانا  برج الحمام إلي فاضل في مخي خلاص هيطير...

لالا يا أستاذ محمود امسك نفسك أومال واقفل العشة عليهم ...,عيالك عايزينك ياراجل..

بس أنا أسمع يا أستاذ عماد أن الحجات دى كانت بتاعة قوم لوط ...

حجات إيه يا أستاذ محمود ( يارب يقبضو عليك وكمان بتتكلم في السياسة )

يا اخي أنا بتكلم عن الإسلام والدين , فيه ناس  مبترجعلوش غير في المواسم يا أستاذ عماد ...

معاك حق يا أستاذ محمود والله ( دا انا مبعرفش ان رمضان جه غير لما أم العيال تقولي عايزين زبيب ولحمة وفراخ وبط وحمام ومحشي  زي ما نكون هنحارب وبنلم مخزون اقتصادي) ..هو آنت تعرف حاجه عن قوم لوط ..والعادات دى إلي بتقول عليها ..

احم احم  طبعا طبعا يا أستاذ عماد آنت ناسي اني راجل مثقف ... اسمع يا سيدي

( سمعني وصدعني كمان وكمان ...وحياتك لاعزل بسببك )

 

1- التصفير... كان صفة قوم لوط ...كانو ولا مؤاخذة يعني سيم بينهم عشان قعدة الأنس والفرفشة تحلو .....الرجالة مع بعضها يعني واليعوذ بالله ...

كمل كمل يا أستاذ محمود ..دا أنا أول مرة اعرف الحجات دى ..

أيوه اومال إيه مش بقولك , مثقف....  سحنة مثقف دي  ولا بتاع خس..

خس..؟ خس إيه بس يا أستاذ محمود كمل ياراجل ...( آنت تبيع فجل مش خس)

وطبعا يا أستاذ عماد الشباب أصبحو مجانين تصفير دلوقتي , تبقي في شقتك وفي عز النوم والساعه 3الفجر وتلاقي توتو بيصفر لكوكو عشان ينزله والصفارة تبقي عامله زي صفارة القطر في ودنك , وتقوم مفزوع فيه ايه ؟؟ ايه الي حصل ؟؟ المدام ترد عليك بكل بلاهة ولا مبالاة ...

 لا أبدا يا حياتي  ده توتو ينادي علي كوكو ....... اه بسيطة

والله عندك حق يا أستاذ محمود ,, طيب إيه كمان غير التصفير..

2- الوقوف على النواصى طبعا .. لاصطياد الفرائس من الرجال...ولا مؤاخذة ..

مؤاخذتك وياك يا أستاذ محمود ...كمل كمل ...( شكلك بتتفرج علي الدش كتير)

 

 

3- نيجي بقي للتقيلة... قرررب بس عشان محدش يسمعنا يفكر فينا تفكير مش ولابد......

فتح القميص... قوم لوط كان عندهم لبس يشبه القميص الباكستانى الحالى وكانوا يفتحون صدر القميص تباهيا بأنفسهم ولسبب آخر غاية في الاشمئزاز ..... وحياتك مكسوف  أأقول...

إيه إيه حاجه أباحة....ما تقول ياراجل قول ...خلي البساط أحمدي ..مفيش حد غريب دا أنا اخوك...

 

( أخويا منين ..آنت هتصاحبني ياراجل آنت ..جتكو البلي مليتو البلد ) المهم  أن الرجل القادم من الامام يعرف انه لوطي ويفعل به الفاحشة ...يعني ...

عرفت يا اخويا ...وطبعا آنت مش مستني حد يقولك , شايف الفنانين والممثلين إلي فاتحين قمصانهم عمال علي بطال ليل ونهار ومنهم إلي زهق من قميصه قلعه والشباب تقلد وفاتحه قمصانها...ونازلين هرش في شعر سدرهم ..جرب بعيد عنك.. وخلاص من غير ما يعرفو بنقلد ايه ومين بالظبط...

دى مصيبه يا أستاذ محمود ... آنت عارف طبعا اني عمري ما فتحت زراير القميص ابدا قبل كده حتي في البيت عندي وحياتك .. هي باتعة مراتي يعني غريبة ...

أه عارف طبعا يا أستاذ عماد ( أكيد عشان معندكش شعر في سدرك ), تعالي بقي اقولك علي الأتقل من إلي فاتت ..

هو لسه فيه ...؟

اومال ايييييييييه ....

<!--[endif]-->

<!--[if gte vml 1]> <![endif]--><!--[if !vml]--><!--[endif]-->

 

4- انزال البنطال وسلته لقرب الحوض وهي صفة الشباب الشاذين...في قوم لوط ممن يفعل بهم الفاحشه.. فتحو القمصان ليعرف القادم من الامام انهم شاذين وايضا انزلو البنطال ليعرف القادم من الخلف انهم شاذين ويفعل بهم الفاحشه...فهمت يا عم عماد ولا سرحت ..لا شكلك ( تنحت)..

لا معاك يا أستاذ محمود بس دى موضة منتشرة جدا بين الشباب والبنات  دلوقتي ...

وكمان دى موضة مستوردة من الغرب ابتدعها مصمم ازياء اوروبى معروف بالشذوذ الجنسى
وقتله صديقه بسبب الشذوذ...

مش قلتلك يا أستاذ عماد اني هتجنن دى مصيبة كبيرة وحلت عل يالبلد ...احنا أكيد اتحسدنا ...

لازم نشتكي لوزارة العطارة عشان تبخر البلد ...

طيب وتقترح نعمل إيه يا عبقري زمانك

اممممممممممممممممممممممممممممممم , فكر معايا يا أخي بدل ما آنت واقف كده ...

أيوه ما أنا بفكر أهوه يا أستاذ محمود... ( يارب ياتخدني ياتخده  )

لقيتها ... إيه رأيك يا أستاذ عماد ننزل نسأل الناس ونقولها علي إلي قلتهولك ده يمكن حالها يتصلح....

ايييييييييه ..؟ آنت عايز تسأل البلد كلها ....طب استني أروح اخد اجازة وضع ورضاعة من الشغل وأجيلك عشان نبقي فاضيين ....

يا أخي خد هنا ....أجازة وضع إيه ...متخافش مش هنسال البلد كلها ...بس نعرف رد فعل الشارع ....

يا أستاذ محمود  هنضرب وهنتهزق ( آنت عبيط يابني ) فيه حد يقف يسال حد  آنت منزل بنطلونك ليه ؟

لالا متخافش معاك أسد ... وبعدين الموضوع بقي مستفز وميتسكتش عليه ... ممكن واحد يطلع يجري ورانا  او حد يغبطنا بنص قالب طوب معلش بقي ماهو لو سبنا البناطيل تنزل اكتر من كده هنروح في داهيه واحنا مش ناقصين...

أمري لله ... طلعت ورقه وقلم وكتبت وصيتي... واتشاهدت ..... و .... اتفضل قدامي يا أسد ... الله يرحمني مقدما ويحسن إليا...والله كنت راجل طيب وابن حلال ...إهيئ ..إهيئ

ابقي خلي بالك من باتعة والعيال بقي لو حصلي حاجه ...

متخافش باتعة في عنيا... ( مش مهم العيال بقي ...نياهاهاها )

 

لقيناه واقف  شادد نفسه وبيتكلم في التليفون فاتح القميص منزل البنطلون لابس نضارة زي الفل لا حقيقي روش طحن عامل زي اخينا ده الي بيغني.....إلي اسمه .....حد جاب سيرة حد خلينا في اخينا ده لطعنا جمبه ربع ساعه علي ما خلص التليفون حبيب قوي الواد وقعدنا نرغي معاه ربع ساعه كمان عشان نجاريه ونخليه يطمن ويتكلم ...

..........................؟؟

لا ف يالحقيقه دي موضه وروشنه يعني

...........................؟؟

لاانا مبقلدش حد ولا حاجه بس يعني هو ده الماشي اليومين دول

.............................؟؟

ما هو ده العادي ولو لبست غير كده ابقي مش ماشي علي الموضه ورجعي

طيب تعرف مين اول ناس نزلوا البنطلون؟

ده سؤال الحلقة النهارضه ولو جاوبته صح هنديلك معزة هديه بمناسبه عيد الاضحي قرب كل سنه وانت طيب ؟؟

 

بيفكر.....

 

لسه بيفكر.....

 

لا والله مش عارف

 

طيب هنقولك احنا وتبقي تدينا المعزة بقي ...اول ناس نزلو البنطلون كده هم قوم لوط طبعا انت عارف انهم كانو شاذين فكانو بيعملو الحكايه دي عشان الي جاي من وراهم لو ماشيين يعرف ان الي ماشي ده شاذ ويروح يتكلم معاه عشان الشذووذ ده

بيرفع البنطلون واستاذ محمود بيتكلم...

أنا مكنتش اعرف كده انا فاكرها موضه وخلاص يعني

طيب تعرف مين برضو اول ناس فتحو القميص وفتحوه ليه ؟؟

مين؟؟ قوم لوط برضو ؟؟

ايوه قوم لوط بس عشان الي جاي من قدام يعرف ان الي ماشي ده شاذ لنفس السبب بتاع البنطلون انه يروح ويتكلم معاه

بس انا نيتي غير كده ...والله

مش لازم ننسي إن من تشبه بقوم فهو منهم...ولا إيه ...

ايوه طبعا صح

طيب انا عايز اسمع منك بقي ايه رايك في الموضه دي

خلاص بقي ما هو مفيش حاجه اسمها موضع وخلاص بعد كده لزم اعرف ايه اصلها ومقلدش وخلاص

وهو ده المطلوب يابطل ....اطلع آنت عل يالبيت وخلي الحاجه تبعت المعزة ولا عشرة جنيه نروح بيها

 

 

واحد تاني ماشي بسرعه قوي وبرضو منزل البنطلون وموقف شعره زي الديك الرومي ......

يااخ.. آنت ياعم  الموتيسيكل...

نعم ...فيه حاجه ...

 ( ياساتر يارب وشك ده يلا ولا وش إلي جمبك )

 ممكن نتكلم معاك ثواني..؟

ليه يعني ...انتم مين ...أكيد حرامية ....أنا هوديكو في داهية ...قدامي علي القسم ...

يابني آنت سيب القميص ...قسم مين يابو قسم دا أنا اندهلك بتعة تقطعك ...

يا عماد اسكت يا اخي ...يابني آنت احنا مش حرامية ...

اومال انتم مين ...

احنا برنامج سمك تحت الماء .. ( يا بقف)

اه اه عارفه ..أنا متاسف قوي يا أستاذ معلش ...

نزل ايدك..سيب البنطلون بتعمل إيه ...

بس بقي يا عماد يااخي ...

ممكن بقي نرغي شويه  معاك.؟

اه قوي قوي ده برنامج حلو قوي علي فكره انا بتابعه وببعتله sms باستمرار

لا ياراجل

طيب احنا عايزين نسالك عن مظهرك بصراحه باسم الله ماشاء الله شيك قوي ...عامل زى الديك الشركسي ...

بيشد نفسه قوي....

دى اقل حاجه عندي علي فكره .... اومال لو شفت إلي في الدولاب ...

ده من وكالة البلح صح ...

بس ياعماد بقي عايزين نشتغل يا اخي ...

طيب ياسيدي سؤال الحلقة النهارضه مين اول ناس نزلو البنطلون ؟؟

لا والله معرفش... هو فيه ناس نزلوه

اومال لأ... يعني نزل لوحده ...

لا والله معنديش فكرة...

طيب مين اول ناس فتحو القميص ؟؟

لا برضو معرفش هما ممثلين طيب ...

لا مش ممثلين....

أيوه عرفت ....يااااااااااه الحمد لله ...

طيب برافو عليك ...مين بقي ..؟

رائد الفضاء ارمستونج ...

 

ارمستونج مين يابني..؟ إيه إلي جاب حرب العراق لموضوعنا دلوقتي ... لا برضو غلط ...

بقولك إيه يا أستاذ محمود..

 نعم يا أستاذ عماد بتوشوشني ليه  كده ....

هو ارمستونج ده  ليه علاقة بحرب الخليج.......

وبعدين بقي يا أستاذ عماد ....

خلصوني بقي – المزة – مستنية ....

طيب طيب ...طول ياسيدي يبقوا قوم لوط  طبعا انت عارف انهم كانو شاذين فكانوا..

بيعملو الحكايه دى عشان إلي جاي من وراهم لو ماشيين يعرف ان الي ماشي ده شاذ ويروح يتكلم معاه عشان الشذووذ ده

*  إيده علي البنطلون وبيعمل ز ي الي فات بالظبط بيرفع البنطلون وهو مكسوف جدااا وحاسس من عنيه ان نفسه يديني ( رصيه ) ..

والقمصان برضو كانو بيفتحوها عشان الي جاي من قدام يعرف ان الي ماشي ده شاذ لنفس السبب بتاع البنطلون انه يروح ويتكلم معاه

لا والله بس انا مش نيتي كده خالص  دا انا بعمل زي الفنان (........) لما كان عامل كده  في فيلم .........------ ........ ( محجوب ...مش ناقصين..لا يقول سب وقذف بقي )

 

ايوه عارفين بس الموضة دي مستوردة من الغرب زي ما انت عارف  جددها واحياها مصمم ازياء اوروبى معروف بالشذوذ الجنسى طبعا مش غريب لانه شاذ زي قوم لوط

ايوه عندك حق ...ممكن بقي تسيبوني امشي ...بقولك المزة واقفة مستنياني ..زمنها زهقت وشبكت ويا حد تاني...

إيه ..يانهار زى بعضه ...إيه اللغة الجديدة دى ...شبكت ... ااااااااااه باعتبار انه سمك تحت الماء يعني ...ماشي ياسيدي ...

طيب عايزين نعرف منك ايه رايك  في الموضة دي بعد ما عرفت الكلام ده ؟؟

لا خلاص بقي مفيش موضه بعد كده ولا فتح قمصان ....المزة لو مشيت هقتلك...

يابني انس يالمزة شويه ... واوعي تنسي البنطلون ها

حاضر  ياسيدي  ولا تنزيل بنطلون ...تحب اقلعوهلك وتاخده وتريحني ...